Neno la Tafakari kutoka kwa Mungu

Mimi Ndimi Mimi

Mimi ni Nuru iangazayo Gizani

Mimi ni Nuru ya njia yenu

Mimi ni Njia ya wokovu wenu

Mimi ni Wokovu wa Maisha yenu

Mimi ni Ndiye kila kitu

Naam… Huyo Ndiyo Mungu Wenu

Wewe ni Taa, Taa imulikayo Gizani

Wenzio wako gizani, wewe ndio wa kuwaonyesha njia

Mimi ni mwanga, Naam wewe upo na mimi

Wamulike… Wajione

Wamulikie… Wanifuate

Kwa maana nawapenda wote.

Kwa maana nilivyokupenda wewe, nawapenda wao pia

Kwa nini unanionea haya?

Kwa nini unaona ugumu kunitaja?

Je, mimi si ndiye niliyefanya haya yote?

Fungua Macho yako uone,

Kwa maana niko nawe lakini hunioni

Laiti ungetazama…

Ungeniona

Nilikupenda na nitazidi kukupenda

Kwa maana mimi ni Mungu wako

Nikupendaye

Kama ilivyo kwa mzazi anavyotamani kumfanyia mwanae mambo mazuri, Ndivyo nami ninavyokuwazia wewe

Kabla hujapendwa na mzazi wako, nalikupenda wewe

Naam, ninakuwazia mema na ninalenga kukutendea jambo jema

Njoo mwanagu, njoo nyumbani

Njoo mwanagu, njoo nikupendaye