Author Neno La Mungu

Kwa nini unaona haya juu yangu?

Kwa nini unanionea haya?

Kwa nini unaona ugumu kunitaja?

Je, mimi si ndiye niliyefanya haya yote?

Mimi ni Mungu wako, ninayafahamu mawazo yako wakati wote.

Acha kuwaza na kunuia kufanya mambo mabaya, Kwa maana Unazuia Baraka na Rehema zako.

Matendo yako yanaongozwa na nia na mawazo yako.

Chunga nia na mawazo yako kwa kuwa ndiyo njia ya kuelekea kwenye matendo mabaya, kama ikiwa mbaya.

Rafiki…

Sikia sauti yangu na kupokea fundisho langu

Kwa maana huo ndio mwelekeo sahihi

Sijakuita uishie hapa

Nilikuita ili ufike mbali

Naam Mbali kuliko hapa

Nalikuita, Ukaja.

Kwa nini unasita sasa?

Songa mbele…

Mimi ni Mungu wako Nikuongozaye

Samehe nawe utasamehewa.

Fadhili nawe utafadhiliwa.

Hifadhi nawe utahifadhiwa.

Wawezaje kujua thamani ya Huruma na Upendo wangu usipowatendea wengine kwa Huruma na Upendo?

Naam, mimi ni Mungu nikupendaye na Kukuhurumia.

Furahia shangilia wewe uliye wangu

Starehe na utilize Moyo wako

Uambie Moyo wako upo salama kwa Mungu wako

Kwa maana, Mungu wako ni Mkuu kati ya hao wote